धोकेबाज हौ तिमि गीतका बारेमा कन्ट्रोभर्सि आएपछि गायक शिव परियारले बनिबनाउ प्रहार गरेको बन्दै एक बिज्ञप्ती मार्फत खण्डन गरेका छन् ।
पछिल्लो समय मिडियामा उक्त गितको बारेमा आएका अभिब्यक्तीबारे गायक शिब परियारले सामाजिक सञ्जाल फेसबुकमा एक बिज्ञप्ती सार्वजनिक गर्दै ति कुराहरुको खण्डन गदत्यस्ता बनि बनाउँ कन्ट्रोभर्सि खबरबाट आफ्ना शुभचिन्तकहरुलाई सावधान र सतर्क रहिदिन अनुरोध गरेका छन् ।
उनले सामाजिक सञ्जाल फेसबुकमा सार्वजनिक गरेको , धोकेबाज हौ तिमि प्रेस विज्ञप्ती
धोकेबाज हौ तिमि गीतका बारेमा पछिल्लो समय मिडियामा आएका बनिबनाउँ प्रहार पूर्ण समाचारका सम्बन्धमा मेरो आधिकारिक बिचार– पहिला कस्ले गायेको ? पछि कस्ले गायेको ? भन्ने बनि बनाउँ कन्ट्रोभर्सि खबरबाट मेरा सबैजना प्रीय शुभचिन्तकहरु कृपया सावधान र सतर्क रहिदिन बिनम्र अनुरोध गर्दछु । धोकेबाज हौ तिमि गीत यस गीतका आधिकारिक स्रष्टा र सङ्गीतकार सुबास कार्की ज्युले आधिकारिक रुपमा मेल ,फिमेल र चाईल्ड तिन ओटा भर्सनमा यो गीत बजारमा अफिसियल रेकर्डिङ्ग र प्रकाशन गर्नु भएको छ र यसमा स्वर दिने कुनै पनि गायक गायिकाले यो गीत मेरो मात्र हो अरुको होईन भन्ने अभिव्यक्ति कतै लेखेको वा दिएको अवस्था पनि होईन र छैन्र र चोरि चकारि वा कभर गरेर हामि कसैले गाएको पनि हैनौं र यस गीतलाई मेल फिमेल र चाईल्ड यि तिनै भर्सनमा आफ्नो स्वर दिएर गाउँने गायक गायिका नै यस गीतका आधिकारिक ओर्जिनल गायक गायिका हुन । यो बिषयमा कुनै बिबाद गर्नु पर्ने आधार या आवश्यक्ता मैले देखेको छैन । आधिकारिक रुपमा स्पष्ट पार्दछु यति सहज र सरल र बिषयमा कुरा बुझेर पनि, जानेर पनि बुझ पचाएर प्रहार गर्ने उद्देश्यले यो अप्राकृतिक कन्ट्रोभर्सि आकर्षित देखिन्छ । यो वास्तविकता देखि सतर्क र सावधान भईदिन, यस्ता हल्लाका पछि नदौडिन, र कुरा नबुझि गालि गलौजको भाषा प्रयोग गरेर कमेण्ट गर्न हतार नगरौं । मेरा समस्त प्रीय शुभचिन्तकहरुमा अनुरोध गर्दछु ।
‘धोकेबाज हौ तिमी’ गीतको फिमेल भर्जन यतिबेला सबैभन्दा बढी भाइरल हुनेमध्ये पर्छ । टिकटकदेखि फेसबुक र इन्स्टाग्रामको रिल्ससम्म यो गीत व्यापक सेयर भइरहेको छ । नेपाली मात्र होइन, विदेशीले समेत यो गीतको कन्सर्टका दृश्यलाई सेयर गरिरहेका छन् ।
यो गीतलाई लिएर गायिका एलिना चौहान समेत चर्चामा छिन् । पछिल्लो समय जिल्ला–जिल्लामा भइरहेका मेला–महोत्सवमा समेत यो गीत चर्चामा छ । कतिपयले एलिनालाई ‘धोकेबाज हौ’ गायिकाको रुपमा समेत चित्रण गर्न थालेका छन् । राजनीतिक सन्दर्भमा समेत यो गीतलाई लिएर ट्रोल बनिरहेको छ ।
करिब दुई वर्षअघि नै शिव परियारको आवाजमा रिलिज भएको मेल भर्जनभन्दा पछि एलिनाको स्वरमा आएको फिमेल भर्सन चर्चामा आएको छ । तर यो गीतले मेल भर्जनमा आवाज दिएका शिव परियारलाई समेत पुनः चर्चामा तानेको छ । शिव परियारले कृपया ‘टाइटलमा नजानुस् है । अन्तर्वार्ता राम्रो छ’ भन्दै एक टेलिभिजन अन्तर्वार्तालाई सेयर गरेका छन् जसको टाइटल छ, ‘धोकेबाज गीत मैले गाएको हो । धोकेबाजले मलाई फेरि चर्चामा ल्यायो ।’
शिवको उक्त टेलिभिजन अन्तर्वार्ता हेर्दा लाग्छ, ‘धोकेबाज हौ तिमी’ गीतलाई लिएर शिव र एलिनाबीच अप्रत्यक्ष रुपमा जस लिने होड चलेको भनेर धेरैले चर्चा गरेका थिए ।गायक शिब परियारले अन्तर्वार्तामा आफूले गाएको उक्त गीतको मेल भर्सनले अहिले पनि चर्चा बटुलेको बताएका छन् । साथै, एलिनाले गाएको गीत हिट हुनुमा कन्सर्टमा देखिएको दृश्य र एक्सप्रेसन प्रमुख रहेको अर्थ्याउन खोजेका छन् । साथै उनले टाइमलाइनमा भिडियो पनि सेयर गरेका छन् ।
गायक परियारको स्वर रहेको उक्त गीतको मेल भर्जनलाई युट्युबमा ८३ लाख पटक हेरिएको छ भने एलिनाको गीतलाई २ करोड ३९ लाख पटक हेरिएको छ ।
