भुवन भुसाल, गुल्मी । छत्रकोट गाउँपालिका गुल्मीको गाउँसभाको १६ औं अधिवेशन सुरु भएको छ । गाउँसभाको पहिलो बैठकमा आज न्यायिक समिति सदस्य पिताम्बर अर्यालले न्यायिक समितिको अर्धवार्षिक प्रतिवेदन पेश गर्नुभएको छ ।
त्यस्तै आजको बैठकमा आर्थिक बिकाश समिति संयोजक तेजकान्त अर्यालले चालू आर्थिक वर्षको व्यय विवरण पेश गर्नुभएको थियो । त्यस्तै लेखा समितिका संयोजक नरेन्द्र बहादुर पल्लीले आर्थिक वर्ष २०७९/८० को महालेखा परिक्षकको कार्यालयबाट प्रारम्भिक लेखा प्रतिवेदन पेश गर्नुभएको थियो ।
राजस्व परामर्श समिति संयोजक साबित्रा ज्ञवालीले आर्थिक एन २०८० संशोधन पेश गर्नुभयो । विधायन समितीका संयोजक नारायण रेश्मीले विधायन समितिबाट पेश हुने विभिन्न एन कार्यविधि मापदण्ड निर्देशिका पेश गर्नुभएको थियो ।
अर्को बैठक माघ ९ गते दिउसो १ बजे बस्नेगरी आजको बैठक पालिका अध्यक्ष रामप्रसाद पाण्डेले स्थगित गर्नुभएको प्रमुख प्रशासकिय अधिकृत विर बहादुर पुनले बताउनुभयो ।
